पुणे : पुढील वर्षी अमेरिकेत होणाऱ्या ‘अॅडोब चॅम्पियनशिप’मध्ये पुण्यातील पी. ए. इनामदार कॉलेजची विद्यार्थिनी कृष्णा सुतार भारताचे प्रतिनिधित्व करणार आहे. नुकत्याच पुण्यात झालेल्या परीक्षेत तिला सर्वाधिक गुण मिळाल्याने तिला ही संधी मिळाली आहे.
महाराष्ट्र कॉस्मॉपॉलिटन एज्युकेशन सोसायटीच्या ‘पी. ए. इनामदार कॉलेज ऑफ व्हिज्युअल इफेक्ट्स, डिझाइन अँड आर्टस्’च्या ४० विद्यार्थ्यांनी फोटोशॉप प्रशिक्षण कार्यक्रमाअंतर्गत या ‘अॅडोब चॅम्पियनशिप’ स्पर्धेत भाग घेतला होता. या परीक्षेत कृष्णा सुतार हिने सर्वाधिक गुण मिळवले. आता २०२० मध्ये अमेरिकेत होणाऱ्या या स्पर्धेच्या पुढील टप्प्यात ती भारताचे प्रतिनिधित्व करणार आहे.
महाराष्ट्र कॉस्मॉपॉलिटन एज्युकेशन सोसायटीचे अध्यक्ष डॉ. पी. ए. इनामदार, उपाध्यक्ष आबेदा इनामदार, सचिव लतीफ मगदूम, कॉलेजचे प्राचार्य डॉ. ऋषी आचार्य यांनी यशस्वी विद्यार्थ्यांचे अभिनंदन केले. या वेळी एस. बी. एच. इनामदार, झुबेर शेख, हर्षद सांगळे आदी मान्यवर उपस्थित होते.